आरती साईबाबा (सौख्यदातार जीवा)

आरती साईबाबा । सौख्यदातार जीवा ।

चरणरजातली । द्यावा दासा विसावा,

भक्ता विसावा ।। आ ।। ।। धृ ।।

जाळुनियां अनंग। स्वस्वरुपी रहेदंग ।

मुमुक्षूजनां दावी । निज डोळा श्रीरंग ।। आ ।। ।। १ ।।

जयामनी जैसा भाव । तया तैसा अनुभव

दाविसी दयाघना । ऐसी तुझीही माव ।। आ ।। ।। २ ।।

तुमचे नाम ध्याता हरे संस्कृती व्यथा ।

अगाध तव करणी मार्ग दाविसी अनाथा ।। आ ।। ।। ३ ।।

कलियुगी अवतार । सगुण परब्रह्मः साचार ।

अवतीर्ण झालासे । स्वामी दत्त दिगंबर ।। द ।। ।। आ ।। ।। ४ ।।

आठा दिवसा गुरुवारी । भक्त करिती वारी ।

प्रभुपद पहावया । भवभय निवारी ।। आ ।। ।। ५ ।।

माझा निजद्रव्यठेवा । तव चरणरज सेवा ।

मागणे हेचि आता । तुम्हा देवाधिदेवा ।। आ ।। ।। ६ ।।

इच्छित दिन चातक। निर्मल तोय निजसुख ।

पाजावे माधवा या । सांभाळ आपली भाक ।। आ ।। ।। ७ ।।